- Auglýsing -
- Estavana Polman lék í fyrrakvöld sinn fyrsta leik á keppnistímabili með danska meistaraliðinu Esbjerg eftir að hafa slitið krossband í byrjun ágúst. Polman var kjölfesta í sigurliði Hollands á HM 2019 í Japan. Hún skoraði fjögur mörk í leiknum í fyrrakvöld þegar Esbjerg vann Silkeborg-Voel, 37:22, í fyrstu umferð í úrslitakeppninni um danska meistaratitilinn.
- Svissneska handknattleiksliðið Kadetten Schaffhausen, sem Aðalsteinn Eyjólfsson þjálfar, hefur samið við Spánverjann Joan Cañellas til næstu tveggja ára. Cañellas, sem er 34 ára gamall, leikur nú með Pick Szeged í Ungverjalandi. Hann var um árabil ein helsta driffjöður þýska meistaraliðsins THW Kiel.
- Neistin sem Arnar Gunnarsson þjálfar tapaði fyrir H71 með eins marks mun, 27:26, í færeysku úrvalsdeildinni í handnattleik í fyrrakvöld. Leikið var í Hoyvík, heimavelli H71. Neistin er í þriðja sæti en VÍF frá Vestmanna og H71 skipa tvö efstu sætin.
- Miha Zarabec hefur framlengt samning sinn við Evrópumeistara THW Kiel fram til ársins 2023.
- Uros Zorman sagði í gær starfi sínu lausu sem aðstoðarþjálfari karlalandsliðs Slóveníu. Flest bendir til þess að með þessu sé hann að undirbúa að taka við þjálfun Meshkov Brest í Hvíta-Rússlandi í sumar.
- Tilkynnt var í gær að Tékkinn, Stanislav Kašpárek gangi til liðs við Meshkov Brest í sumar. Hann hefur ekki náð sér á strik hjá Pick Szeged hvar hann er að ljúka sínu öðru keppnistímabili.
- Auglýsing -
