Molakaffi: Reichmann, Nielsen, Viktor Gísli, Ferreira, Faruk

Mynd/Hafliði Breiðfjörð
  • Tobias Reichmann, fyrrverandi landsliðsmaður Þýskalands í handknattleik, hefur gengið til liðs við TV Emsdetten sem féll í 3. deild í vor. Síðustu fimm árin hefur Reichmann leikið með MT Melsungen. Áður hefur hægri hornamaðurinn m.a. leikið með Kielce í Póllandi, Wetzlar, Kiel og Magdeburg í Þýskalandi. Hann á 106  landsleik að baki og var m.a. í þýska landsliðinu sem varð Evrópumeistari 2016 og bronshafi á Ólympíuleikunum sama ár undir stjórn Dags Sigurðssonar

  • Evrópumeistarar Barcelona sögðu loksins frá því í gær að samið hafi verið við danska markvörðinn Emil Nielsen til þriggja ára. Nielsen hefur leikið með franska liðinu Nantes undanfarin ár. Viktor Gísli Hallgrímsson kemur í stað Nielsen hjá Nantes. Ár er liðið, hið minnsta, síðan kvittur komst á kreik um að Nielsen væri á leiðinni til Katalóníuliðsins.

  • Brasilíski línumaðurinn Rogério Moraes Ferreira hefur skrifað undir þriggja ára samning við Melsungen í Þýskalandi. Ferreira hefur undanfarin ár leikið með Benfica í Portúgal. 
  • Nígerískur handknattleiksmaður, Yusuf Faruk, hefur samið við Granolles á Spáni til næstu tveggja ára. Nígerískir handknattleiksmenn eru ekki víða með evrópskum félagsliðum.
a>
- Auglýsing -

Nýjustu fréttir

- Auglýsing -