- Auglýsing -
- Vonir Grétars Ara Guðjónssonar og félaga í Nice um að komast í úrslitakeppni frönsku B-deildarinnar dvínuðu í gær með tapi fyrir Massy Essonne, 28:25, á útivelli. Nice er í sjöunda sæti þegar liðið á fjóra leiki eftir og fimm stigum á eftir Massy Essonne og Dijon sem sitja í fimmta og sjötta sæti. Grétar Ari stóð fyrir sínu í leiknum í gær. Hann varði 13 skot sem gerði 32,5% hlutfallsmarkvörslu.
- Nicolej Krickau, þjálfari deildar- og bikarmeistara GOG í Danmörku, hefur framlengt samning sinn við félagið til ársins 2024. Viktor Gísli Hallgrímsson, landsliðsmarkvörður, leikur undir stjórn Krickau hjá GOG. Krickau tók við þjálfun liðsins fyrir tveimur árum.
- Niclas Ekberg skoraði átta mörk fyrir Kiel og Sander Sagosen sjö þegar liðið vann Hannover-Burgdrof, 35:29, í þýsku 1. deildinni í handknattleik í gærkvöld og endurheimti þar með efsta sæti deildarinnar. Kiel er með 37 stig eftir 21 leik. Flensburg er stigi á eftir og á leik til góða gegn Leipzig í dag.
- Auglýsing -
