Molakaffi: Rúnar fimmti, óánægja í Randers

Rúnar Kárason er í fimmta sæti yfir markahæstu leikmenn í dönsku úrvalsdeildinni. Mynd/Ribe Esbjerg, Andersen.dk
  • Rúnar Kárason er fimmti markahæsti leikmaður dönsku úrvalsdeildarinnar um þessar mundir. Hann hefur skorað 45 mörk í níu leikjum Ribe-Esbjerg. Ólíkt öðrum sem eru í efstu sætum listans hefur Rúnar ekki skorað mark úr vítakasti ennþá. Emil Jakobsen hjá GOG er efstur með 59 mörk. Morten Jensen hjá Ringsted er í öðru sæti með 49 mörk og gamla brýnið, Anders Eggert er þriðji með 47 mörk. Athyglisvert er að Eggert er með 92,2% skotnýtingu. 
  • Randers og Nyköbing eigast við í úrvalsdeild kvenna í handknattleik í Danmörku í dag sem væri e.t.v. í frásögur færandi ef ekki væru fjórir leikmenn Randers-liðsins og þjálfarinn veikir heima af kórónuveirunni. Forráðamenn Randers óskuðu eftir að leiknum yrði frestað en stjórnendir Nyköbing neituðu að samþykkja frestun. Danska handknattleikssambandið styður Nyköbing og bendir á að samkvæmt reglum þá þurfi fimm leikmenn að vera veikir til þess að leik sé frestað. Ekki sé nóg að um fjóra leikmenn auk þjálfara sé að ræða. Þungt hljóð er í leikmönnum og stjórnendum Randers vegna málsins. 
  • Stórliðin í norska kvennahandboltanum, Molde og Vipers, drógust saman í 8-liða úrslit bikarkeppninnar þegar dregið var í gærdag. Leikurinn fer fram 28. október í Molde. 
  • Aðeins verða seldir 180 aðgöngumiðar á leik Noregs og Lettlands í undankeppni EM karla sem fram fer í Nadderud Arena í Bærum 4. nóvember. Vegna sóttvarnareglna má ekki selja fleiri miða á leikinn. Talið er víst að miðarnir renni út eins og heita lummur á mánudagsmorgun þegar miðasala hefst. Norska landsliðið sækir það ítalska heim fjórum dögum síðar. 
- Auglýsing -

Nýjustu fréttir

KA/Þór fékk ítalskt lið

KA/Þór leikur við ítalska liðið Jomi Salerno í 3. umferð Evrópubikarkeppninnar í handknattleik kvenna en dregið var í morgun. Jomi Salerno var...

Ekki alvöru íþróttamaður

„Emil stenst ekki þær kröfur sem gerðar eru til alvöru íþróttamanna,“ sagði Nikolaj Jakobsen, landsliðsþjálfari Dana í handknattleik fyrir 514 dögum síðan...

Í landsliðinu með handlegginn í fatla

Christian Berge, landsliðsþjálfari Noregs í karlaflokki, hefur valið þá leikmenn sem hann ætlar að tefla fram í leikjunum tveimur sem framundan eru...
- Auglýsing -