- Auglýsing -

Molakaffi: Rúnar í fremstu röð, Serbar brjóta blað, liðsstyrkur og framlenging

Rúnar Kárason hefur leikið vel fyrir Ribe-Esbjerg í verur. Mynd/Ribe-Esbjerg HH A/S
  • Rúnar Kárason, leikmaður Ribe-Esbjerg, er í áttunda sæti yfir markahæstu leikmenn dönsku úrvalsdeildarinnar. Hann hefur skorað 92 mörk, aðeins eitt úr vítakasti. Rúnar situr í níunda sæti yfir þá leikmenn sem hafa átt flestar stoðsendingar, 52 í 17 leikjum. Emil Jakobsen, hornamaður GOG, er lang markahæsti leikmaður dönsku úrvalsdeildarinnar með 125 mörk. Peter Balling er næst með með 106 mörk. Rúnar er eini Íslendingurinn á lista yfir 20 markahæstu leikmenn dönsku úrvalsdeildarinnar. 
  • Þau tímamót áttu sér stað á Þorláksmessu að kona var í fyrsta sinn kjörin formaður Handknattleikssambands Serbíu. Milena Delic hlaut einróma kosningu í embættið. Delic er fyrrverandi handknattleikskona og landsliðsmaður. 
  • Elín Jóna Þorsteinsdóttir og Steinunn Hansdóttir, leikmenn danska úrvalsdeildarliðsins Vendsyssel hafa fengið nýjan samherja. Liðið hefur samið við 23 ára gamla skyttu, Leonora Demaj, sem leikið hefur með SönderjyskE. Vendsyssel samdi við Demaj til þriggja og hálfs árs. Hún byrjar að leika með liðinu í upphafi nýs árs. Auk þess að vera skytta góð mun Demaj vera prýðilegur varnarmaður. Vendsyssel rekur lestina í dönsku úrvalsdeildinni með aðeins eitt stig eftir 11 leiki. 
  • Tékkneska handknattleikskonan Kamila Kordovská hefur skrifað undir nýjan samning við þýska liðið Blomberg-Lippe sem gildir fram á mitt ár 2022. Línukonan sem á sæti í tékkneska landsliðinu kom til Blomberg-Lippe fyrir þremur árum. 
- Auglýsing -
- Auglýsing -

Nýjustu fréttir

- Auglýsing -