Molakaffi: Rut, Árni Bragi, Rakel Sara, Andri Snær, Steinunn, Roganovic, Karlsson

Rut Arnfjörð Jónsdóttir íþróttakona KA 2021 og Árni Bragi Eyjólfsson, handknattleiksmaður. Mynd/HSÍ
  • Rut Arnfjörð Jónsdóttir, burðarás í Íslands- og bikarmeistaraliði KA/Þórs í handknattleik og fyrirliði íslenska landsliðsins, var kjörin íþróttakona Knattspyrnufélags Akureyrar, KA, 2021. Handknattleiksfólkið Árni Bragi Eyjólfsson og Rakel Sara Elvarsdóttir höfnuðu í öðru sæti. Knattspyrnumaðurinn Brynjar Ingi Bjarnason varð fyrir valinu í kjöri á íþróttakarli KA.
  • Andri Snær Stefánsson, þjálfari Íslands- og bikarmeistarar KA/Þórs í handknattleik kvenna var valinn þjálfari ársins hjá KA og skal engan undra eftir einstaklegan góðan árangur liðsins undir hans stjórn.
  • Smit er komið upp í herbúðum danska úrvalsdeildarliðsins Skanderborg Håndbold sem Steinunn Hansdóttir leikur með. Þar af leiðandi hefur viðureign liðsins við meistarana Odense Håndbold sem fram átti að fara annað kvöld verið frestað um óákveðinn tíma. 
  • Zoran Roganovic, landsliðsþjálfari Svartfellinga og þrír landsliðsmenn verða ekki með liðinu í fyrsta leiknum á EM vegna covid. Svartfellingar mæta Dönum í fyrstu umferð riðlakeppninnar á fimmtudaginn. Vonir standa til að þeir verði klár í slaginn á laugardaginn þegar Svartfellingar leika við Norður Makedóníumenn.
  • Tobias Karlsson fyrrverandi landsliðsmaður Svía í handknattleik, sem hefur verið einn starfsmanna landsliðsins síðasta árið, fær ekki frí úr vinnu og fer þar af leiðandi ekki með landsliðinu á Evrópumeistaramótið. Eftir að Karlsson lagði keppnisskóna á hilluna fyrir tveimur árum hefur hann unnið á almennum markaði en einnig verið hluti af þjálfarateymi karlalandsliðsins. Þykir vera skarð fyrir skildi í sænska hópnum.
  • Fimm leikmenn úr landsliðshóp Norður Makedóníu greindust í gær með covidsmit aðeins örfáum klukkustundum áður en Kiril Lazarov tilkynnti um valið á keppnishópnum sem fer á Evrópumeistaramótið. Norður Makedóníumenn héldu til Debrechen í Ungverjalandi í morgunsárið.
- Auglýsing -

Nýjustu fréttir

- Auglýsing -