Molakaffi: Sabet, Bjartur, Hulda, Kristján, Skarphéðinn

Xavi Sabate nagar sig ekki í handarbökin að hafa tekið að sér þjálfun Wisla Plock. Mynd/EPA
  • Xavier Sabate hefur framlengt samning sinn um þjálfun pólska liðsins Wisla Plock til ársins 2024. Hann tók við þjálfun liðsins fyrir þremur árum eftir að hafa m.a. verið hjá Veszprém um skeið og orðið að taka pokann sinn þar eftir fremur skamma dvöl.  Einnig var Sabate þjálfari ungverska karlalandsliðsins 2016 og 2017.
  • Bjartur Már Guðmundsson var í liði StÍF sem vann VÍF frá Vestmanna, 32:30, í Vestmanna í færeysku úrvalsdeildinni í handknattleik í fyrradag. Bjartur Már skoraði ekki mark í leiknum. StÍF hefur þar með þrjú stig að loknum tveimur leikjum en VÍF, sem varð meistari í vor, rekur lestina í deildinni án stiga eftir tvær umferðir. 
  • Hulda Alexandersdóttir hefur skrifað undir sinn fyrsta samning við handknattleiksdeild  FH. Hún  er á 17. aldursári, leikur í stöðu hornamanns. Hulda skoraði sitt fyrsta mark í keppnisleik á vegum HSÍ í meistaraflokki gegn Víkingi í átta liða úrslitum Coca Cola-bikarsins í síðustu viku. 
  • Kristján Rafn Oddsson, 16 ára gamall markvörður, hefur einnig skrifað undir sinn fyrsta samning við FH. Hann hefur m.a. verið æfingahópum yngri landsliða Íslands.
  • Skarphéðinn Ívar Einarsson skrifaði á dögunum undir sinn fyrsta samning við Handknattleiksdeild KA og lék sinn fyrsta meistaraflokksleik fyrir KA þegar liðið vann HK í fyrstu umferð Olísdeildar karla. Skarphéðinn, sem er aðeins 16 ára gamall,  hefur verið fastamaður í æfingahópum yngri landsliða Íslands.
- Auglýsing -

Nýjustu fréttir

- Auglýsing -