- Auglýsing -
- Michael Wiederer, forseti Handknattleikssambands Evrópu, EHF, hefur tilkynnt að hann sækist eftir endurkjöri á þingi EHF 23. og 24. apríl á næsta ári. Þingið fer fram í Lúxemborg. Framboðsfrestur til kjörs forseta, stjórnar og fleiri embætta rennur út 23. janúar.
- Wiederer, sem er fjórði forseti EHF frá stofnun 1991, var kjörinn í embættið 2016. Hann leysti þá af Frakkann Jean Brihault. Wiederer, sem er 65 ára gamall, hefur verið viðloðandi EHF frá 1992 er hann var ráðinn framkvæmdastjóri. Því starfi gegndi hann til 2016.
- Viðureign Flensburg og Meshkov Brest sem fram átti að fara í Meistaradeild Evrópu í handknattleik hefur verið frestað um óákveðinn tíma vegna kórónuveirusmita innan herbúða Meshkov Brest.
- Leik MT Melsungen og Bergischer HC í þýsku 1.deildinni í handknattleik sem fram átti að fara annað kvöld hefur verið frestað fram á sunnudag. Leikmenn Melsungen-liðsins þar á meðal Arnar Freyr Arnarsson, losna úr sóttkví í dag og fá þar með örfáa daga til að hreyfa sig áður en þeir hefja leik í deildinni á nýjan leik.
- Auglýsing -
