Molakaffi: Samuelsson, Aron, Viktor Gísli, Orri Freyr, Aron Dagur, Hansen

Aron Pálmarsson leikmaður danska meistaraliðsins Aalborg Håndbold. Mynd/EPA
  • Jonas Samuelsson tryggði Aalborg jafntefli, 25:25, í fyrsta úrslitaleik liðsins við GOG um danska meistaratitilinn í gærkvöld. Leikið var í Gumde á Fjóni. Samuelsson skoraði jöfunarmarkið á síðustu sekúndu leiksins eftir að hafa farið inn úr hægra horninu. Þetta var eina mark hans í leiknum. Aron Pálmarsson lék með Aalborg á nýjan leik eftir fjarveru vegna meiðsla. Hann skoraði fjögur mörk og átti tvær stoðsendingar.
  • Viktor Gísli Hallgrímsson tók ekkert þátt í leiknum í gær. Félagi hans Thorbjörn Bergerud fór á kostum í marki GOG og var með 43% hlutfallsmarkvörslu.
  • Jafntefli eru tekin gild í úrslitakeppninni um danska meistaratitilinn. Næsta viðureign liðanna fer fram í Álaborg á sunndaginn. Arnór Atlason var að vanda á sínum stað í leiknum enda aðstoðarþjálfari Aalborg-liðsins.
  • Orri Freyr Þorkelsson og Aron Dagur Pálsson voru ekki á meðal markaskorara hjá Elverum í gær þegar liðið tapaði óvænt fyrir Arendal, 30:25, á heimavelli í þriðja úrslitaleik liðanna í norsku úrvalsdeildinni í gærkvöld. Elverum tapar ekki oft í norska handboltanum, hvað þá á heimavelli. Arendal hefur þar með einn vinning en Elverum tvo en þrjá vinninga þarf til þess að standa uppi sem sigurvegari í úrslitakeppninni (sluttspill). Liðin mætast í fjórða sinn á heimavelli Arendal á laugardaginn.
  • Keppnispeysa Mikkels Hansen með númerinu 24 á bakinu var hengd upp í rjáfur í keppnishöll PSG í París í gærkvöld eftir að liðið lék sinn sinn síðasta leik í frönsku 1. deildinni. Hansen kveður liðið í sumar eftir 10 ára veru. Aðeins tveimur leikmönnum PSG í gegnum tíðina hefur hlotnast sá heiður að keppnispeysa þeirra sé tekin úr umferð með þessum hætti. Þeir eru Patrice Annonay og Luc Abalo. Hansen hefur ekkert leikið með PSG síðan í mars er hann fékk blóðtappa í lunga. Hann flytur heim til Danmerkur í sumar og verður leikmaður Aalborg á næsta keppnistímabili.
a>
- Auglýsing -

Nýjustu fréttir

- Auglýsing -