Molakaffi: Sigur hjá Daníel Frey, Porto tekur númer 1 úr umferð, naumt tap

Lið Guif leiktíðina 2020/2021. Daníel Freyr Andrésson er í miðri neðstu röðinni í peysu númer 16. Mynd/Guif
  • Daníel Freyr Andrésson varði 8 skot og var með 33 % markvörslu þann tíma sem hann stóð í marki Guif í gærkvöld í sigurleik á Helsingborg í sænsku úrvalsdeildinni í handknattleik á heimavelli. Guif er í áttunda sæti með 24 stig í 26 leikjum, jafnmörg stig og Hallby sem er í áttunda sæti en hefur leikið leik færra. Átta efstu liðin fara í úrslitakeppnina. Alls verða leiknar 28 umferðir í deildinni. 
  • Portúgalska liðið FC Porto ætlar að heiðra minnginu markvarðar síns, Alfredo Quintana, með því að taka númer eitt úr notkun. Framvegis mun enginn leikmaður handknattleiksliðsins nota númerið á treyju sinni. Eins og kom m.a. fram á handbolti.is í gær þá lést Quintana í gærmorgun 32 ára gamall eftir að hafa fengið hjartaáfall á æfingu Porto á mánudaginn.  Handknattleiksmenn, félög og sérsambönd minntust Quintana og sendu Porto og Handknattleiksssambandi Portúgals samúðarkveðjur.
  • Sveinn Jóhannsson skoraði eitt mark fyrir SönderjyskE í fyrrakvöld þegar liðið tapaði með eins marks mun fyrir Skanderborg á heimavelli, 28:27, í dönsku úrvalsdeildinni í handknattleik.  SönderjyskE er í sjötta sæti deildarinnar með 25 stig eftir 22 leiki. Liðið á fjóra leiki eftir í deildinni áður en kemur að úrslitakeppninni.
- Auglýsing -

Nýjustu fréttir

- Auglýsing -