Molakaffi: Sigur hjá þríeykinu, tap í Sviss og Svíþjóð og var ekki með

Arnar Birkir Hálfdánsson hefur verið drjúgur fyrir Aue-liðið á leiktíðinni. Mynd/EHV Aue
  • Arnar Birkir Hálfdánsson skoraði fjögur mörk í níu skotum og átti þrjár stoðsendingar þegar Aue vann Rimpar, 19:16, í þýsku 2. deildinni í gærkvöld. Sveinbjörn Pétursson stóð í marki Aue-liðsins annan hálfleikinn og var með 33% hlutfallsmarkvörslu. Rúnar Sigtryggsson er tímabundið þjálfari Aue-liðsins sem situr í sjöunda sæti deildarinnar af 19 liðum með með 17 stig eftir 15 leiki. 
  • Aðalsteinn Eyjólfsson og lærisveinar hans í Kadetten Schaffhausen töpuðu í gærkvöld fyrr Pfadi Winterthur, 33:30, á heimavelli í efstu deild svissneska handknattleiksins. Pfadi Winterthur er efst í deildinni með 34 stig eftir 21 leik. Kadetten er í þriðja sæti fjórum stig á eftir en á tvo leiki til góða á Pfadi Winterthur. 
  • Aron Dagur Pálsson skoraði þrjú mörk í fjórum tilraunum og átti þrjár stoðsendingar þegar Alingsås tapaði fyrir Önnereds á heimavelli, 34:31, í sænsku úrvalsdeildinni í handknattleik í gær. Alingsås átti undir högg að sækja allan leikinn og var m.a. undir í hálfleik, 16:14. Liðið er eftir sem áður í fjórða sæti úrvalsdeildinnar. 
  • Sigvaldi Björn Guðjónsson var ekki í liði Vive Kielce sem vann Wybrzeze  Gdansk, 33:26, á útivelli í pólsku úrvalsdeildinni í gær. Kielce er lang efst í deildinni með fullt hús stiga eftir 14 umferðir og er 12 stigum á undan Wisla Plock sem er í öðru sæti.
- Auglýsing -

Nýjustu fréttir

Molakaffi: Sigur hjá Daníel Frey, Porto tekur númer 1 úr umferð, naumt tap

Daníel Freyr Andrésson varði 8 skot og var með 33 % markvörslu þann tíma sem hann stóð í marki Guif í gærkvöld...

Harðarmenn gáfu Kríunni ekkert eftir

Leikmönnum Harðar á Ísafirði vex fiskur um hrygg með hverjum leiknum sem þeir leika í Grill 66-deild karla í handknattleik. Þeir hafa...

Enn einn stórsigur HK

HK-liðið hefur verið á sigurbraut um nokkurt skeið í Grill 66-deild karla í handknattleik. Á því varð engin breyting í kvöld þegar...
- Auglýsing -