Molakaffi: Sigvaldi, Aron Donni, Elliði, Arnar Birkir

Sigvaldi Björn Guðjónsson leikmaður Vive Kielce. Mynd/Vive Kielce
  • Sigvaldi Björn Guðjónsson skoraði fimm mörk úr sex skotum þegar Vive Kielce vann Piotrkow, 40:21, í pólsku úrvalsdeildinni í handknattleik í gær. Vive Kielce hefur unnið hverja einustu af þeim 22 viðureignum sem liðið hefur lent í deildinni á leiktíðinni og hefur níu stiga forskot á Wisla Plock þegar fjórar umferðir eru eftir. Að vísu á Wisla leik til góða á Kielce. Enginn úrslitakeppni verður þetta árið í pólska handknattleiknum.
  • Aron Pálmarsson skoraði tvö mörk þegar Barcelona vann Cuenca, 41:27, í spænsku 1. deildinni í handknattleik í gær. Barcelona skoraði 27 mörk í fyrri hálfleik gegn 12 mörkum Cuenca-manna. Þetta var þrítugasti sigur Barcelona í deildinni. Sex umferðir eru eftir. 
  • Kristján Örn Kristjánsson, Donni, skoraði tvö mörk fyrir PAUC þegar liðið tapaði naumlega, 29:28, á heimavelli fyrir Toulouse í frönsku 1. deildinni í handknattleik í gær. PAUC er eftir sem áður í 5.sæti deildarinnar. 
  • Elliði Snær Viðarsson skoraði þrjú mörk þegar Gummersbach lagði Eisenach í Eisenach, 35:27, í þýsku 2. deildinni í gær. Guðjón Valur Sigurðsson er þjálfari Gummersbach. Liðið komst upp í annað sæti deildarinnar, hefur 43 stig eftir 28 leiki og er stigi á eftir N-Lübbecke. HSV Hamburg er stigi á eftir Gummersbach en á tvo leiki til góða. 
  • Arnar Birkir Hálfdánsson skoraði þrjú mörk og átti fjórar stoðsendingar í sigurleik EHV Aue á heimavelli gegn Hüttenberg, 25:19, einnig í 2. deild í gær. Rúnar Sigtryggsson er þjálfari EHV Aue sem situr í níunda sæti. Sveinbjörn Pétursson, markvörður Aue, kom ekkert við sögu í leiknum.
a>
- Auglýsing -

Nýjustu fréttir

- Auglýsing -