- Auglýsing -

Molakaffi: Skube hættur, Karacic meiddur og Norðmenn

Sebastian Skube fyrir miðri mynd. Mynd/EPA
  • Slóveninn Sebastian Skube hefur ákveðið að gefa ekki kost á sér í landsliðið aftur. Hann segist vilja hafa meiri tíma með fjölskyldu sinni. Skube er 33 ára gamall hefur síðustu árin leikið með Bjerringbro/Silkeborg. Núverandi samningur við Bjerrigbro/Silkeborg rennur út næst vor og er óvíst hvort hann skrifi undir nýjan samning. Skube á 127 landsleiki að baki fyrir Slóvena. 
  • Ivan Karacic, leikstjórnandi landsliðs Bosníu, meiddist svo illa á ökkla í leik Bosníu og Þýskalands á síðasta fimmtudag að hann leikur ekki handknattleik næstu tvo mánuði, hið minnsta. Karacic er samningsbundinn Maccabi Rishon Lezion. Handknattleikstímabilið er ekki enn hafið í Ísrael sökum kórónuveirunnar. 
  • Norðmenn fóru aðeins með 13 leikmenn til Pescara á Ítalíu í gærmorgun í einkaflugvél frá Þýskalandi þar sem landslið Noregs æfði síðustu daga fyrir leikinn. M.a. var aðstoðarþjálfarinn Børge Lund eftir. Norðmenn töldu sig vera nokkuð örugga um sigur í leiknum enda unnu þeir með 15 marka mun, 39:24, eins og greint var frá á handbolti.is í gær. Thorbjörn Bergerud var m.a. með 63% hlutfallsmarkvörslu í fyrri hálfleik. Norski hópurinn flaug rakleitt til baka eftir leikinn í gærkvöld. 
- Auglýsing -
- Auglýsing -

Nýjustu fréttir

- Auglýsing -