Molakaffi: Steins, Skube, Hald, Boesen, Maciel

Hollendingurinn Luc Steins verður áfram hjá PSG. Mynd/EPA
  • Franska íþróttablaðið L’Équipe sagði frá því gær að ekkert væri hæft í þeim orðrómi að hollenski landsliðsmaðurinn Luc Steins gangi til liðs við Łomza Vive Kielce  í sumar. Steins er með samning við PSG til ársins 2024 og ekki standi annað til en að standa við hann.
  • L’Équipe  sagði jafnframt frá því að Montpellier greiði Łomza Vive Kielce  200.000 evrur, jafnvirði um 28 milljóna króna fyrir að leysa Stas Skube undan samningi.
  • Steins verður í leikmannahópi hollenska landsliðsins undir stjórn Erlings Richardssonar sem mætir portúgalska landsliðinu í fyrri umspilsleiknum í undankeppni heimsmeistaramótsins í Portimao á morgun. 
  • Danski landsliðsmaðurinn Simon Hald hefur ákveðið að snúa heim til Danmerkur sumarið 2023. Hald hefur samið við meistaraliðið Aalborg Håndbold. Hald hefur leikið með Flensburg frá árinu 2018. Hald þekkir vel til hjá Aalborg en hann lék með liði félagsins áður enn hann samdi við Flensburg. 
  • Daninn Lasse Boesen hefur verið ráðinn þjálfari finnska liðsins Riihimäen Cocks. Boesen tekur við starfinu í sumar þegar núverandi þjálfari stígur frá borði. Boesen  er 42 ára gamall og lék á sínum tíma 159 landsleiki fyrir Danmörku frá 2000 til 2012 auk þess að leika með með félagsliðum í heimalandinu, í Þýskalandi og á Spáni.
  • Argentínski landsliðsmarkvörðurinn Leonel Maciel gengur til liðs við Sporting Lissabon í sumar að lokinni eins árs veru hjá Barcelona.
- Auglýsing -

Nýjustu fréttir

- Auglýsing -