- Auglýsing -
- Steinunn Hansdóttir lék með Skanderborg Håndbold í gær en tókst ekki að skora þegar liðið steinlá á útivelli á móti Nyköbing Falster, 38:25, í dönsku úrvalsdeildinni í handknattleik kvenna í gærkvöld. Skanderborg Håndbold er í níunda sæti af 14 liðum deildarinnar með níu stig í 14 leikjum. Aðeins þrír leikir af sjö fóru fram dönsku úrvalsdeildinni í gær. Fjórum var frestað vegna covid smita.
- Danski landsliðsmarkvörðurinn Althea Reinhardt, sem var að margra mati besti markvörður heimsmeistaramótsins á Spáni í síðasta mánuði, hefur greinst með covid19. Hún staðfestir það í samtali við TV2 í Danmörku í gær. Reinhardt, sem leikur með Danmerkurmeisturum Odense Håndbold, segist hafa smitast á milli jóla og nýárs og finni til lítilla einkenna.
- Danir og Norðmenn hafa ákveðið að mætast tvisvar sinnum í vináttuleikjum fyrir EM í handknattleik. Upphaflega stóð til að aðeins yrði um einn leik að ræða en eftir að leikjum beggja landsliða á móti í Frakklandi voru afskrifaðir vegna veirunnar þá var ákveðið að frændþjóðirnar mætist í tvígang, 6. og 8. janúar í Royal Stage Hillerød í Danmörku. Leikið verður fyrir luktum dyrum en báðar viðureignir verða senda út í sjónvarpi.
- Báðum vináttuleikjum Frakka og Egypta í handknattleik karla sem til stóð að fram færu um næstu helgi hefur verið slaufað eftir því sem fram kom í tilkynningu Handknattleikssambands Egyptalands seint í gærkvöld. Leikirnir áttu að fara fram í Frakklandi.
- Norska landsliðskonan Emilie Hovden kveður norska úrvalsdeildarliðið Storhamar í sumar og gengur til liðs við Viborg í Danmörku. Hovden er 25 ára gömul og leikur í hægra horni.
- Þýski línumaðurinn Jannik Kohlbacher er í kapphlaupi við tímann við að ná heilsu áður en Evrópumeistaramótið í handknattleik hefst. Kohlbacher meiddist í leik með Rhein-Neckar Löwen á milli hátíðanna
- Auglýsing -
