- Auglýsing -
- Um 30 manna hópur stuðningsmanna fylgdi U18 ára landsliða kvenna sem fór til Skopje í Norður Makedóníu í gær þar sem heimsmeistaramótið hefst á morgun. Fyrsti leikur íslenska liðsins verður við Svía. Í stuðningsmannahópnum eru foreldrar og forráðamenn og systkini sem á eftir að standa þétt á baki við íslenska liðið sem tekur þátt í heimsmeistaramóti í fyrsta sinn í þessum aldursflokki. Álíka fjölmennur hópur studdi við bakið á U20 ára landsliði karla þegar leikið var á EM í Porto á dögunum.
- Klukkan 14.30 í dag leikur U17 ára landslið karla í handknattleik við landslið Slóvena í krossspili um fimmta til áttunda sætið á Ólympíuhátíð Evrópuæskunnar í Slóvakíu. Drengirnir áttu frídag frá leikjum í gær eftir að hafa leikið þrjá leiki á þremur dögum í riðlakeppni hátíðarinnar. Síðasti leikur liðsins verður á morgun.
- Sami Saïdi sem stýrt hefur karlalandsliði Túnis undanfarin tvö ár hefur verið sagt upp störfum. Óánægja ríkir meðal stjórnenda handknattleikssambands Túnis með árangurinn á Afríkumótinu sem fram fór fyrr í þessum mánuði en landsliðið hafnaði í fjórða sæti sem er lakasti árangur þess um langt árabil. Ekki liggur enn fyrir hver tekur við af Saïdi. Fjórða sætið í Afríkukeppninni nægði Túnis til þess að tryggja sér farseðilinn á HM sem fram fer í Svíþjóð og Póllandi í janúar.
- Filip Lazarov fyrrverandi leikmaður Vardar og Besiktas og áður landsliðsmaður Norður Makedóníu hefur verið ráðinn þjálfari þýska 4. deildarliðsins Ratingen.
- Auglýsing -
