- Auglýsing -
- Sveinn Andri Sveinsson skoraði fjögur mörk og átti fimm stoðsendingar í liði Empor Rostock í gær þegar liðið tapaði á heimavelli fyrir Dessau-Roßlauer HV 06, 31:30, í þýsku 2. deildinni í handknattleik. Hafþór Már Vignisson skoraði þrjú mörk fyrir Rostockliðið sem er án stiga eftir þrjár umferðir.
- Egill Már Hjartarson skoraði sex mörk og Victor Máni Matthíasson þrjú mörk þegar lið þeirra StÍF náði jafntefli við Færeyjameistara H71 í Høllinni á Skála í færeysku úrvalsdeildinni í gær, 26:26. StÍF náði þar með í sitt fyrsta stig í deildinni. Sömu sögu er að segja um lið H71 sem tapaði naumlega á heimavelli fyrir VÍF frá Vestmanna í fyrstu umferð.
- Kristinn Guðmundsson þjálfari EB frá Eiði mátti sætta sig við að lið hans tapaði fyrir VÍF, 29:24, í annarri umferð úrvalsdeildar kvenna í Færeyjum í gær. EB er án stiga eftir tvo leiki.
- Viktor Gísli Hallgrímsson var ekki í leikmannahópi Nantes í gær þegar liðið vann Montpellier á útivelli í frönsku 1. deildinni í handknattleik, 30:29.
- Fredrikstad Bkl., liðið er sem Elías Már Halldórsson þjálfar í norsku úrvalsdeildinni, tapaði á heimavelli í gær fyrir Fana, 35:28. Alexandra Líf Arnarsdóttir var í leikmannahópi Fredrikstad Bkl. en náði ekki að setja verulegt mark á leikinn. Fredrikstad Bkl. hefur tvö stig að loknum þremur umferðum.
handbolti.is nýtur ekki opinbers rekstrarstuðnings.
- Auglýsing -
