Sveinn Jóhannsson leikmaður SönderjyskE. Mynd/SönderkyskE
  • Sveinn Jóhannsson skoraði eitt mark í tveimur skotum þegar lið hans SönderjyskE vann Skjern, 33:24, í fjórðu umferð dönsku úrvalsdeildinnar í gærkvöld. Leikið var á heimavelli Skjern. Sveinn tók vel á því í varnarleik SönderjyskE liðsins og var m.a. einu sinni vísað af leikvelli. SönderjyskE hefur fjögur stig að loknum fjórum leikjum. 
  • Hannes Jón Jónsson, þjálfari Alpla Hard, stýrði liðinu sínu til sigurs gegn Graz, 34:27, á útivelli í þriðju umferð austurrísku 1. deildarinnar í handknattleik í gærkvöld. Alpla Hard hefur farið vel af stað og unnið þrjá fyrstu leiki sína. Næst mætir Alpla liði Bregenz í grannaslag á föstudagskvöld. 
  • Annika Fríðheim Petersen, markvörður Hauka, var í gær valin í færeyska landsliðið í handknattleik sem mætir landsliðum Rúmeníu og Danmerkur í undankeppni Evrópumóts kvenna í handknattleik 6. og 10. október. Fyrri leikurinn verður í Rúmeníu en sá síðari í Þórshöfn. Petersen hefur átt sæti í færeyska landsliðinu um árabil.
  • Dansk/færeyski hægri hornamaðurinn Johan á Plógv Hansen gengur til liðs við Flensburg á næsta sumri. Hansen hefur skrifað undir þriggja ára samning við félagið sem tekur gildi 1. júlí á næsta ári. Hann leysir af Lasse Svan sem ætlar að leggja keppnisskóna á hilluna. Hansen leikur nú með Hannover-Burgdorf.
- Auglýsing -

Nýjustu fréttir

- Auglýsing -