Molakaffi: Sveinn, Stevanovic, Skuru meistari, pattstaða um bronsið, Limoges neitar, Grubišić

Sveinn Jóhannsson í leik með SönderjyskE. Mynd/SönderjyskE
  • Sveinn Jóhannsson og samherjar í danska úrvalsdeildarliðinu SönderjyskE féllu í gær út úr dönsku bikarkeppninni í handknattleik þegar þeir töpuðu fyrir 2. deildarliðinu IK Skovbakken , 27:26. Sveinn skoraði sex mörk fyrir SönderjyskE en liðið er nú komið í sumarleyfi frá keppni.
  • Aleksa Stevanovic leikur ekki með Herði á næsta keppnistímabili í Grill 66-deildinni. Það kom fram á Facebook-síðu Harðar í gærkvöld eftir að liðið tapaði í oddaleik fyrir Víkingi í undanúrslitum umspilsins. 
  • Skuru varð í gærkvöld sænskur meistari í handknattleik kvenna eftir sigur á H65 Höör, 24:22, í fjórða leik liðanna í úrslitarimmunni.
  • Herning-Ikast og Esbjerg gerðu í gærkvöld annað jafntefli í rimmu liðanna um bronsverðlaun í dönsku úrvalsdeild kvenna, 23:23. Liðin skildu einnig jöfn, 29:29, í fyrsta leiknum. Oddaleikur verður í Esbjerg á mánudaginn. 
  • Forráðamenn franska liðsins Limoges Handball segja það úr lausu lofti gripið að þeir hafi í hyggju að ráða Ljubomir Vrjanes í starf þjálfara liðsins eins og franskir fjölmiðlar greindu frá um helgina og m.a. handbolti.is át upp. 
  • Markvörðurinn  öflugi, Jelena Grubišić, hefur skrifað undir eins árs samning til viðbótar við rúmenska meistaraliðið CSM Búkarest. Hún hefur verið markvörður liðsins undanfarin sex ár og ætlar sér að standa á milli stanganna næsta árið hið minnsta.
- Auglýsing -

Nýjustu fréttir

- Auglýsing -