Molakaffi: Þjálfararnir og leikmaður eftir heima, Rabenseifer, Lunde, Svan

Herbert Müller landsliðsþjálfari Austurríkis. Mynd/EPA
  • Austurríska landsliðið í handkattleik kvenna verður án landsliðsþjálfara síns, Herbert Müller, og aðstoðarþjálfarans Erwin Gierlinger, á heimsmeistaramótinu í handknattleik sem hefst á Spáni í dag. Báðir urðu þeir eftir heima í Austurríki eftir að hafa greinst með kórónuveiruna skömmu fyrir brottför til Spánar. Einnig heltist handknattleikskonan Katarina Pandza úr lestinni af sömu ástæður og þjálfaranir.
  • Bróðir landsliðsþjálfarans, Helfried Müller, hefur tekið við þjálfun austurríska landsliðsins á heimsmeistaramótinu í fjarveru bróður síns. Helfried er þjálfari þýska 1. deildarliðsins Thüringer HC.

  • Bernd Rabenseifer, framkvæmdastjóri austurríska handknattleikssambandsins, segist vera undrandi og leiður yfir því að þjálfararnir tveir og leikmaðurinn skuli hafa greinst með veiruna rétt fyrir HM. Allt hafi verið gert til þess að tryggja sem best að engin úr austurríska hópnum smitaðist af kórónuveirunni sem hefur farið eins og eldur í sinu um landið síðustu vikur.
  • Austurríska landsliðið mætir Kína í fyrst umferð riðlakeppninnar á morgun en mætir einnig landsliði Argentínu og Spánar í riðlakeppninni.
  • Norski landsliðsmarkvörðurinn Katrine Lunde tekur nú þátt í sínu 20. stórmóti á ferlinum en framundan er heimsmeistaramót. Lunde, sem 41 árs, segist hvergi af baki dottin og stefnir á að gefa kost á sér í norska landsliðið á EM sem fram fer eftir ár í Norður Makedóníu, Slóveníu og Svartfjallalandi. Lunde á að baki 319 landsleiki. Sá fyrsti var fyrir 19 árum. Norska landsliðið mætir landsliði Kasakstan í fyrstu umferð HM á föstudaginn.
  • Danski landsliðsmaðurinn Lasse Svan er nú leikjahæsti leikmaðurinn í sögu þýska liðsins Flensburg. Hann lék á sunnudaginn sinn 627. leik fyrir félagið síðan hann gekk til liðs við það fyrir 13 árum. Svan ætlar að leggja skóna á hilluna næsta sumar.
- Auglýsing -

Nýjustu fréttir

- Auglýsing -