- Auglýsing -
- Þórir Hergeirsson, þjálfari heims- og Evrópumeistara Noregs í handknattleik kvenna og þjálfari ársins á Íslandi 2021 er einn þeirra þjálfara sem koma til álita í kjöri á þjálfara ársins í Noregi. Úrslitin verða á Idrætsgalla sem haldið verður Oslo Spektrum á laugardaginn.
- Axel Stefánsson og leikmenn hans í Storhamar fögnuðu sigri á Sola í fyrstu umferð ársins í norsku úrvalsdeildinni í handknattleik kvenna í gærkvöld, 30:27. Leikið var á heimavelli Sola í nágrenni Stavangurs. Storhamar er í öðru sæti deildarinnar með 20 stig eftir 12 leiki og er þremur stigum á eftir Vipers Kristiansand sem lagði Larvik, 32:20, í gærkvöld.
- Hópsmit er komið upp hjá ungverska stórliðinu Györ. Af þeim sökum hefur leik liðsins við IK Sävehof sem til stóð að færi fram á sunnudaginn í Meistaradeild Evrópu í kvennaflokki verið frestað um óákveðinn tíma. Einnig hefur leik slóvensku mestaranna Krim Ljubljana og Vipers Kristiansand í Meistaradeild kvenna verið frestað sökum smita innan raða Krim-liðsins.
- Althea Reinhardt landsliðsmarkvörður Dana í handknattleik sem greindist með covid á milli jóla og nýárs var í liði Odense Håndbold í gærkvöld þegar liðið tapaði fyrir Esbjerg, 31:27, í dönsku úrvalsdeildinni.
- Orðrómur var upp í gærkvöld um að Handknattleikssamband Evrópu tilkynni í dag um að styttur verði sá tími sem verður að líða frá því að handknattleiksmaður smitast af covid og þangað til hann verður gjaldgengur með landsliði sínu á Evrópumótinu. Talið er að tíminn verði styttur um helming, úr fjórtán í sjö.
- Auglýsing -
