Molakaffi: Varaði börnin við, smitaður þjálfari og leikmaður

Jesper Jensen landsliðsþjálfari Dana í handknattleik kvenna, var eitt sitt liðækur handknattleiksmaður. Mynd/EPA
  • Jesper Jensen, þjálfari danska kvennalandsliðsins, segist hafa rætt við börn sín, sem eru 12 og 14 ára, um að við megi búast að margt miður fallegt verði skrifað um hann á samfélagsmiðlum meðan EM kvenna í handknattleik stendur yfir í desember. 
  • Henk Groener þjálfari þýska kvennalandsliðsins hefur enn ekki hitt leikmenn sína þótt þeir hafi verið við æfingar alla vikuna. Hinn sextugi Groener greindist smitaður af kórónuveirunni á dögunum og mun sitja af sér þangað til læknateymi landsliðsins metur stöðu hans það góða að hann megi mæta á æfingu. Meðan Groener er í sóttkví stýra aðstoðarmenn hans æfingum. Allir leikmenn þýska landsliðsins hafa reynst neikvæðir við skimun. 
  • Aneja Beganovic línumaður landsliðs Slóvena greindist í gær smituð af kórónuveirunni og leikur þar af leiðandi a.m.k. ekki fyrsta leik Slóvena á EM á föstudaginn næsta gegn Dönum í Herning. Reyndar er afar ósennilegt að Beganovic leiki eitthvað með í riðlakeppninni. Ef vel gengur gæti hún kannski náð leiknum við Svartfellinga þriðjudaginn 8. desember. Beganovic er 23 ára gömul og besti línumaður Slóvena. Hún á  39 landsleiki að baki. 
- Auglýsing -

Nýjustu fréttir

- Auglýsing -