Molakaffi: Viktor, Arnór, Viktor, Óskar, Orri, Örn, Jørgensen, Oftedal

Viktor Gísli Hallgrímsson, markvörður íslenska landsliðsins og danska liðsins GOG. Mynd/EPA
  • Viktor Gísli Hallgrímsson og samherjar í GOG komust í gærkvöld í undanúrslit dönsku bikarkeppninnar þegar þeir lögðu Skjern á heimavelli, 31:28.  Einnig eru ríkjandi bikarmeistarar Mors-Thy komnir í undanúrslit svo og Bjerringbro/Silkeborg. Holstebro og Aalborg mætast í síðasta leik átta liða úrslitanna 10. nóvember
  • Aalborg er þessa dagana að taka þátt í heimsmeistaramóti félagsliða í Jedda í Sádi-Arabíu. Aalborg vann Al-Wedha frá Sádi-Arabíu í keppninni í gær, 38:27, og mætir Magdeburg í undanúrslitum í dag.  Í hinni viðureign undanúrslita mætast Barcelona og Pinheiros frá São Paulo í Brasilíu. Arnór Atlason aðstoðarþjálfari Aalborg er með liðinu í Jedda. 
  • Hinn hálf íslenski Viktor Petersen Norberg skoraði sex mörk og Óskar Ólafson fimm þegar Drammen vann Haslum, 26:24, í norsku úrvalsdeildinni í gærkvöld. 
  • Orri Freyr Þorkelsson hafði hægt um sig og skoraði eitt mark þegar Elverum vann Bergen (áður FyllingenBergen), 36:26, á heimavelli í norsku úrvalsdeildinni. 
  • Örn Vesteinsson Östenberg komst ekki á blað þegar Tønsberg Nøtterøy tapaði á útivelli fyrir Runar, 38:32, einnig í norsku úrvalsdeildinni. 
  • Elverum er sem fyrr efst í deildinni, liðið er með 12 stig að loknum sex leikjum. Drammen er í fjórða sæti með átta stig. Tønsberg Nøtterøy er næst neðst með tvö stig en á leik til góða. 
  • Klavs Bruun Jørgensen tekur við þjálfun karlaliðs SønderjyskE á næsta sumri þegar Jan Pytlick hættir. Jørgensen er fyrrverandi landsliðsmaður Danmerkur auk þess að hafa þjálfað kvennalandslið Danmerkur frá 2015 til 2020.
  • Norska landsliðskonan Stine Bredal Oftedal hefur framlengt samning sinn við ungverska liðið Györ til ársins 2023. Fyrri samningur hennar frá árinu 2019 var til loka núverandi leiktíðar.
- Auglýsing -

Nýjustu fréttir

- Auglýsing -