- Auglýsing -

Molakaffi: Viktor Gísli, Grétar Ari, Elvar, Eiríkur Guðni, Ingólfur Arnar

Viktor Gísli Hallgrímsson markvörður GOG, er danskur meistari í handknattleik. Mynd/GOG
  • Viktor Gísli Hallgrímsson kom við sögu í stutta stund í marki GOG í gærkvöld þegar liðið vann Skive, 29:24, á útivelli í dönsku úrvalsdeildinni. Hann varði tvö skot af þeim fimm sem bárust á markið meðan hann stóð vaktina. GOG er sem fyrr efst og taplaust í deildinni með 27 stig eftir 14 leiki. 
  • Grétar Ari Guðjónsson náði sér ekki á strik í marki Nice í gær þegar liðið vann Massy Essonne, 30:27, á heimavelli í frönsku 2. deildinni. Grétar Ari stóð í markinu í um helming leiktímans og varði þrjú skot, 17%. Nice komið upp í sjötta sæti deildarinnar með 14 stig eftir 13 leiki með tveimur góðum sigrinum í röð. 
  • Elvar Ásgeirsson skoraði fjögur mörk fyrir Nancy er liðið tapaði á heimavelli fyrir Nimes, 28:24, í frönsku 1. deildinni í gærkvöld. Nancy rekur lestina í deildinni með fjögur stig eftir 13 leiki. 
  • Eiríkur Guðni Þórarinsson línumaður FH hefur verið lánaður til liðs Kórdrengja í Grill66-deildinni. Hann er orðinn gjaldgengur með Kórdrengjum á morgun þegar þeir sækja ungmennalið Selfoss heims í Sethöllina. 
  • Ingólfur Arnar Þorgeirsson, handknattleiksmaður hjá Gróttu, hefur verið lánaður til ÍR sem leikur í Grill66-deildinni.  Gildir lánasamningurinn út keppnistímabilið á komandi vori.  Ingólfur Arnar lék sinn fyrsta leik fyrir ÍR í fyrrakvöld. Hann skoraði þá fimm mörk í 20 marka sigri ÍR á Berserkjum, 47:27.
- Auglýsing -
- Auglýsing -

Nýjustu fréttir

- Auglýsing -