- Auglýsing -
- Viktor Gísli Hallgrímsson var valinn í úrvalslið fimmtu og næst síðustu umferðar átta liða úrslita dönsku úrvalsdeildarinnar í handknattleik. Viktor Gísli fór á kostum í marki GOG á dögunum þegar liðið vann Ribe-Esbjerg, 33:29, á heimavelli. Lokaumferð átta liða úrslita fer fram í dag.
- Róðurinn heldur áfram að þyngjast hjá leikmönnum TV Emsdetten í baráttunni um að halda sæti í þýsku 2. deildinni. Í gær tapaði liðið fyrir Hüttenberg, 35:28, á útivelli. Örn Vésteinsson Östenberg skoraði tvö mörk fyrir Emsdetten en Anton Rúnarsson ekkert. TV Emsdetten er í næst neðsta sæti með 21 stig þegar fjórar umferðir eru eftir. Þrjú lið falla úr deildinni. Sex stigum munar á Emsdetten og Dormagen er sem stendur í 16. sæti og því síðasta örugga.
- Portúgalski landsliðsmaðurinn Gilberto Duarte hefur ákveðið að kveðja Montpellier í sumar og ganga til liðs við Vardar Skopje á tveggja ára samningi.
- Þýski línumaðurinn Hendrik Pekeler sleit hásin í viðureign Kiel og PSG í átta liða úrslitum Meistaradeildar Evrópu í handknattleik í fyrrakvöld. Þar af leiðandi verður hann sennilega frá keppni út árið.
- Auglýsing -
