- Auglýsing -
- Andreas Nilsson, Niclas Ekberg og Linus Arnesson leika ekki með sænska landsliðnu á HM í Egyptalandi. Ekberg og Arnesson vilja ekki fara vegna kórónuveirufaraldursins. Nilsson náði hinsvegar ekki samkomulagi við þjálfara sænska landsliðsins, Norðmanninn Glenn Solberg.
- Nilsson óskaði eftir að koma til móts við sænska landsliðið 4. janúar en Solberg stóð fastur á því að línumaðurinn sterki mætti tveimur dögum fyrr. Nilsson vildi fá tvo aukadaga til þess að vera með fjölskyldu sinni eftir áramótin en hann verður ekki með fjölskyldunni yfir jólin. Nilsson fer í sóttkví á hóteli fyrir jól vegna þess að lið hans Veszprém tekur þátt í úrslitahelgi Meistaradeildar Evrópu 28. og 29. desember.
- Níu af 20 leikmönnum sem valdir voru í sænska landsliðið fyrir HM og til þátttöku í leikjum í undankeppni EM í janúar hafa ekki tekið þátt í stórmóti.
- Landslið Danmerkur og Noregs mætast í tveimur vináttulandsleikjum áður en þau fara til Egyptalands og taka þátt í HM í handknattleik karla. Leikirnir fara fram í Kolding 7. og 9. janúar.
- Pick Szeged steinlá fyrir Veszprém í slag efstu liðanna í ungversku úrvalsdeildinni í handknattleik karla í gærkvöld, 36:24. Leikið í var Szeged. Stefán Rafn Sigurmannsson er ekki byrjaður að leika með Szeged eftir meiðsli og í raun er ekkert vitað hvernig heilsusfarið á honum er.
- Auglýsing -
