- Auglýsing -

Molakaffi: Vottorð fylgir öllum á EM, Ágúst Þór, Toudahl, Ágúst Elí, Dinart

Mynd/Eyjólfur Garðarsson
  • Um leið og Handknattleikssamband Íslands sendi frá sér fyrir helgina lista með nöfnum 35 leikmanna sem til greina kom í landsliðshópinn sem tekur þátt i EM í næsta mánuði varð að senda með bólusetningarvottorð fyrir þá alla. Róbert Geir Gíslason, framkvæmdastjóri HSÍ, staðfesti þetta í samtali við handbolta.is. 
  • Sama gildir um þá sem skráðir eru á lista yfir þjálfara og starfsmenn landsliðsins auk stjórnarmanna HSÍ sem hyggjast sækja mótið.  Athygli vekur við yfirferð á listanum yfir starfsmenn landsliðsins á EM að Ágúst Þór Jóhannsson þjálfari kvennaliðs Vals og aðstoðarþjálfari kvennalandsliðsins verður þriðja hjólið í þjálfaratreyminu á EM með Guðmundi Þórði Guðmundssyni, landsliðsþjálfara, og Gunnari Magnússyni aðstoðarþjálfara.
  • Andreas Toudahl var leystur frá störfum þjálfara danska úrvalsdeildarliðsins KIF Kolding í gærmorgun. Ágúst Elí Björgvinsson landsliðsmarkvörður leikur með Kolding. Forsvarsmenn félagsins eru vonsviknir með árangur Kolding á leiktíðinni en liðið er í 12. sæti af 15 liðum deildarinnar þegar keppnin er hálfnuð. Kolding hefur fjórtán sinnum orðið danskur meistari í handknattleik karla, síðast 2015. Þá þjálfaði Aron Kristjánsson lið félagsins sem nefndist þá KIF Kolding Köbenhavn
  • Didier Dinart hefur verið ráðinn landsliðsþjálfari Sádi Arabíu í handknattleik karla. Dinart heldur áfram starfi sínu sem framkvæmdastjóri franska 2. deildarliðsins Nice sem Grétar Ari Guðjónsson markvörður leikur með. 
  • Fleiri leikmenn greinast smitaðir á kórónuveirunni með hverjum deginum sem líður á heimsmeistaramóti kvenna í handknattleik á Spáni. Alls hafa sex leikmenn í austurríska landsliðshópnum greinst jákvæðir eftir að liðið kom til Spánar í síðustu viku. Þá eru ótaldir einn leikmaður og báðir þjálfararnir sem urðu eftir heima. Í gær greindist smit hjá króatísku handknattleikskonunni Camila Micijevic. Hún er önnur í króatíska hópnum sem send er í einangrun. 
  • Hert hefur verið á sýnatökum á mótinu frá því sem upphaflega stóð til þegar áætlað var að láta nægja að senda leikmenn, þjálfara og starfsfólk í sýnatöku fyrir riðlakeppnina og áður en keppni hefst í milliriðlum.
- Auglýsing -
- Auglýsing -

Nýjustu fréttir

- Auglýsing -