Molakaffi: Ýmir Örn, Aðalsteinn, Roland, Savykynas, Gibelin

Ýmir Örn Gíslason leikmaður Rhein-Neckar Löwen í Þýskalandi. Mynd/Rhein-Neckar Löwen.
  • Ýmir Örn Gíslason og félagar í Rhein-Neckar Löwen komust örugglega í aðra umferð Evrópudeildarinnar í handknattleik karla í gær þegar þeir unnu Spor Totor SK frá Ankara öðru sinni á tveimur dögum með miklum mun. Í gær skakkaði 20 mörkum, 42:22. Ýmir Örn skoraði ekki mark í gær en lét til sín taka í vörninni og var m.a. einu sinni vísað af leikvelli. 
  • Aðalsteinn Eyjólfsson og lærisveinar hans í Kadetten frá Sviss standa höllum fæti eftir sex marka tap fyrir Vojvodina frá Serbíu í fyrri viðureign liðanna í 1. umferð Evrópudeildarinnar í handknattleik karla í gær, 26:20.  Leikið var á heimavelli Vojvodina. Síðari leikurinn verður í Sviss um næstu helgi. 
  • Úkraínska meistaraliðið Motor Zaporozhye þar sem Roland Eradze er aðstoðarþjálfari og Gintaras Savykynas fyrrverandi leikmaður Aftureldingar og fleiri liða er aðalþjálfari, komst í gær í undanúrslit í Austur-Evrópudeildinni í handknattleik karla, SHEA-League, eftir 10 marka sigur á Presov frá Slóvakíu, 29:19. Motor mætir Vezsprém í undanúrslitaleik. 
  • Franska ungstirnið Yoann Gibelin hefur samið við PSG um að ganga til liðs við félagið á næsta sumri. Gibelin er 21 árs gamall en hefur verið fastamaður í liði US Creteil frá 17 ára aldri. 
- Auglýsing -

Nýjustu fréttir

- Auglýsing -