Molakaffi: Danskt í morgunsárið

Magnus Saugstrup línumaður Aalborg og félagar fóru illa af stað í úrslitakeppninni í kvöld. Mynd/EPA
  • Danski línumaðurinn Magnus Saugstrup hefur samið við SC Magdeburg til þriggja ára. Vistaskipti hans taka gildi um mitt næsta ár. Saugstrup  er einn fjölmargra leikmanna danska meistaraliðsins Aalborg Håndbold á undanförnum árum sem semur við þýskt félagslið eftir að hafa vaxið og dafnað á handknattleikssviðinu í Álaborg þar sem Arnór Atlason er aðstoðarþjálfari.
  • Saugstrup hefur leikið afar vel með Aalborg á leiktíðinni og hefur öðlast sæti í danska landsliðinu sem er rökrétt framhald af góðri frammistöðu á síðasta keppnistimabili. 
  • Emil Jakobsen, samherji Viktors Gísla Hallgrímssonar hjá danska liðinu GOG, var í gær kallaður inn í danska landsliðið ef svo fer að Casper Mortensen, vinstri hornamaður Barcelona, getur ekki leikið með danska landsliðinu í tveimur leikjum í undankeppni EM 2022 sem framundan eru. Mortensen finnur til eymsla í öðru hnénu eftir mikla kappleikjahrinu, þrír leikir á þremur dögum, með Barcelona fyrir og um nýliðna helgi. 
  • Jakobsen, sem er 22 ára gamall, hefur farið á kostum með GOG á leiktíðinni og er nú markahæsti leikmaður dönsku úrvalsdeildarinnar með 77 mörk ásamt Morten Hempel Jensen, hjá Ringsted.
- Auglýsing -

Nýjustu fréttir

- Auglýsing -