Molakaffi: Erlingur náði í stig í Celje, Alfreð kominn á EM, Burgaard áfram, tvær sterkar til Esbjerg

Erlingur Richardsson landsliðsþjálfari Hollands í handknattleik karla. Mynd/EPA
  • Hollenska landsliðið í handknattleik karla, undir stjórn Eyjamannsins Erlings Richardssonar, krækti í gott stig í undankeppni EM þegar það náði jafntefli við Slóvena, 27:27, í Celje. Hollendingar eru þar með komnir með þrjú stig eftir þrjá leiki eins og Slóvenar sem hafa leikið einum leik færra. Pólverjar eru með fjögur stig eftir tvo leiki í riðlinum. Tyrkir reka lestina án stiga. Jafnteflið getur skipt máli ef Holland hafnar í þriðja sæti riðilsins því fjögur lið sem ná bestum árangri af þeim sem hafna í þriðja sæti undankeppninnar komast í lokakeppnina eftir ár.
  • Alfreð Gíslason og lærisveinar hans í þýska landsliðinu eru nú orðnir öruggir um sæti í lokakeppni EM. Þeir hafa átta stig eftir fjóra leiki og sitja í efsta sæti síns riðils. Þýskaland burstaði Austurríki, 34:20, í Köln í gær. Þýska liðið fór á kostum í upphafi leiks og skoraði 16 af fyrstu 19 mörkum leiksins. 
  • Danska landsliðskonan Louise Burgaard hefur framlengt samning sinn við franska liðið Metz til tveggja ára. Hún hefur leikið með liðinu síðustu tvö ár. 
  • Norska landsliðskonan Henny Reistad hefur ákveðið að ganga til liðs við Danmerkurmeistara Esbjerg á komandi sumri. Reistad hefur skrifað undir tveggja ára samning. Hún leikur nú með norska meistaraliðinu Vipers Kristiansand. Dinah Eckerle, þýskur markvörður, verður einnig nýr liðsmaður Esbjerg frá og með næsta sumri.
- Auglýsing -

Nýjustu fréttir

- Auglýsing -