Molakaffi: Steinlágu heima, Bíró framlengir, öruggt hjá Rostov, jákvætt og neikvætt

Aron Dagur Pálsson leikmaður sænska úrvalsdeildarliðins Alingsås. Mynd /Alingsås
  • Aron Dagur Pálsson og félagar í Alingsås steinlágu á heimavelli í gærkvöld fyrir HK Aranäs, 29:18, eftir að hafa verið sex mörkum undir að loknum fyrri hálfleik, 16:10. Aron Dagur skoraði þrjú mörk og átti tvær stoðsendingar en eitt skot geigaði. Þetta var fjórði leikur Alingsås á einni viku, þar af var einn þeirra í Istanbúl á þriðjudagskvöldið í Evrópudeildinni. Ljóst að þreyta sat í leikmönnum liðsins í leiknum í gær. Í viðbót við þétta leikjadagskrá þá eru fjórir leikmenn enn á sjúkralista. Alingsås er í fimmta sæti deildarinnar með 15 stig eftir 11 leiki og er tveimur stigum á eftir toppliðinu, Ystads IF.
  • Ungverski landsliðsmarkvörðurinn Blanka Bíró hefur framlengt samning sinn við FTC Rail Cargo (Ferencváros) til tveggja ára eða fram á mitt ár 2022. Hún hefur varið mark liðsins undanfarin fjögur ár. Bíró er 26 ára gömul.
  • Rússneska meistaraliðið Rostov-Don vann CSM Bucaresti í toppslag A-riðils Meistaradeildar kvenna í Búkarest í gærkvöld, 27:22.  Rostov-Don er í efsta sæti riðilsins með 13 stig að loknum sjö leikjum. CSM er í öðru sæti með 11 stig eftir átta leiki. 
  • Anna Vyakhireva var markahæst hjá Rostov-Don með fimm mörk. Viktoriya Borschenko og Julia Managarova skoruðu fjögur mörk hvor.  Cristina Neague skoraði 11 mörk fyrir CSM og var langmarkahæst. Hún átti 17 skot á markið. 
  • Í fyrrakvöld var greint frá  því að einn leikmaður SC Magdeburg, sem Gísli Þorgeir Kristjánsson og Ómar Ingi Magnússon leika með, hafi greinst jákvæður við skimun eftir kórónuveiru. Allir leikmenn voru sendir í annað próf í gærmorgun. Í gærkvöld var upplýst að allir hefðu greinst neikvæðir, meira að segja einnig sá sem var jákvæður daginn áður. Æfingar liðsins mega þar með hefjast á nýjan leik. Viðureign Magdeburg og Essen sem fram átti að fara í gær var frestað í ljósi fregna í fyrrakvöld.
- Auglýsing -

Nýjustu fréttir

- Auglýsing -