KA-menn fagna naumum sigri, 30:29, og sæti í úrslitakeppninni um Íslandsmeistaratitilinn. Mynd/Skapti Hallgrímsson, akureyri.net

KA tryggði sér í gærkvöld sæti í átta liða úrslitakeppninni um Íslandsmeistaratitilinn í Olísdeild karla með sigri á FH, 30:29, í hörkuleik í KA-heimilinu. KA hefur ekki átt lið í úrslitakeppninni í 16 ár. Mestan hluta þess tíma sem liðinn er síðan lék KA ásamt Þór undir merkjum Akureyrar handboltafélags. Lið Akureyringa komst nokkrum sinnum í úrslitakeppnina og lék m.a. til úrslita um Íslandsmeistaratitilinn vorið 2011.

Egill Bjarni Friðjónsson, hirðljósmyndari KA, og Skapti Hallgrímsson, ritstjóri Akureyri.net, fréttamiðils allra Norðlendinga og þótt víða væri leitað, voru með myndavélar sínar á lofti í KA-heimilinu í gærkvöld. Veittu þeir handbota.is aðgang að safni sínu. Handbolti.is þakkar Agli og Skapta kærlega fyrir.

- Auglýsing -

Nýjustu fréttir

- Auglýsing -