Gísli Þorgeir Kristjánsson fékk högg við vinstra auga í fyrri hálfleik í viðureign Íslands og Hollands á Evrópumeistaramótinu í handknattleik í MVM Dome í Búdapest í gærkvöld. Sprakk fyrir og fór Gísli Þorgeir af leikvelli í nokkra stund meðan Örnólfur Valdimarsson læknir íslenska landsliðsins stöðvaði blæðinguna og bjó um sárið.
Gísli Þorgeir mætti til leiks á ný og lék til enda eftir viðgerð Örnólfs læknis.
Í leikslok veifaði hann til foreldra sinna, Þorgerðar Katrínar Gunnarsdóttur og Kristjáns Arasonar, og fékk til baka fingurkoss frá múttu eins og sjá má á neðstu myndunum.
Hafliði Breiðfjörð ljósmyndari var eins og endranær vel með á nótunum í leiknum í gær og náði eftirfarandi syrpu af Gísla Þorgeiri frá því að hann sótti á varnarmenn Hollands og þangað til flautað var til leiksloka.
