Myndir: Gleði og gaman og allir velkomnir í handboltaskóla FH

Þátttakendur á sumarnámskeiði handknattleiksdeildar FH. Mynd/FH

Handboltaskóli FH hefur verið á fullu í allt sumar. Sumarnámskeiðin hafa verið mjög vegleg undanfarin ár og virkilega vel sótt, bæði af stelpum og strákum.

Mynd/FH


„Við FH-ingar höfum haldið úti mjög öflugum sumarhandboltaskóla fyrir krakka 6-13 ára síðastliðin fjögur ár. Ef frá er talið stutt sumarfríi um miðjan júlí hefur verið boðið upp á námskeið strax að loknu keppnistímabili fram til 20. ágúst, allt að 9 námskeiðsvikur. Síðasta vika sumarsins hefst núna á mánudaginn 16. ágúst og ennþá eru nokkur laus sæti,“ segir Sigurgeir Árni Ægisson framkvæmdastjóri handknattleiksdeildar FH í tilkynningu frá deildinni.

Mynd/FH


„Það sýndi sig strax fyrsta sumarið sem við buðum upp á þetta tilboð að eftirspurnin eftir handbolta á sumrin var svo sannarlega til staðar en allt upp í 90 krakkar hafa verið á námskeiðum FH hverju sinni. Við lítum á handbolta sem heilsársíþrótt og það hefur sýnt sig undanfarin ár að þeir krakkar sem hafa verið duglegir að mæta í sumarstarfið hafa tekið miklum framförum enda fá þeir 15 tíma af handbolta í viku hverri til að bæta sig. Við höfum verið með mjög flotta þjálfara og leiðbeinendur, þar má nefna bæði reynda þjálfara úr starfinu sem og leikmenn úr meistaraflokkum karla og kvenna. Þá hafa einnig komið ýmsir gestir á námskeiðin, s.s. FH-ingar sem eru atvinnumenn erlendis, styrktarþjálfarar og þjálfarar meistaraflokkanna.

Mynd/FH


FH krakkarnir hafa verið mjög duglegir að mæta en svo er gaman að segja frá því að fjölmargir iðkendur annarra félaga hafa mætt á námskeiðin okkar og haft gagn og gaman af, það eru nefnilega allir velkomnir á námskeiðin hjá okkur í FH.“

Mynd/FH
Mynd/FH
Mynd/FH
- Auglýsing -

Nýjustu fréttir

- Auglýsing -