Myndir: Rífandi góð stemning á fjáröflunarkvöldi meistaranna

Mynd/Egill Bjarni Friðjónsson

Rífandi góð stemning var á fjáröflunarkvöldverði Íslands- og bikarmeistara KA/Þórs á Vitanum á Akureyri í gærkvöld. Samkoman var einn liður í fjáröflun KA/Þórs fyrir komandi leiki við spænsku bikarmeistarana BM Elche í 32-liða úrslitum Evrópubikarkeppninnar. Báðar viðureignir fara fram á Spáni um aðra helgi. Í síðasta mánuði vann KA/Þór öruggan sigur á Istogu, landsmeisturum Kósovó í annarri umferð keppninnar.


Eins og fyrr segir þá var kvöldverðurinn einn liður í fjáröflum vegna leikjanna en leikmenn og þjálfarar hafa haft í mörgu að snúast upp á síðkastið til þess að ná fjárhagslega saman enda fellur allur kostnaður vegna þátttökunnar á leikmenn og þjálfara.

M.a. annarra fjáraflana má nefna hið sívinsæla pizzuhappdrætti og sala á stórglæsilegum jólasokkum sem verða senn ómissandi á allar fætur allt í kringum landið enda henta þeir stærri sem minni, eldri jafnt sem yngri fótum einstaklega vel.


Egill Bjarni Friðjónsson var á fjáröflunarkvöldverði KA/Þórs á Vitanum í gærkvöld og sendi handbolta.is nokkrar myndir.

Mynd/Egill Bjarni Friðjónsson.
Mynd/Egill Bjarni Friðjónsson.
Mynd/Egill Bjarni Friðjónsson.
Mynd/Egill Bjarni Friðjónsson.
Mynd/Egill Bjarni Friðjónsson.
Mynd/Egill Bjarni Friðjónsson.
Mynd/Egill Bjarni Friðjónsson.
Þessir eru auðþekktir án grímu, Sigþór Árni Heimisson t.v. og Andri Snær Stefánsson, þjálfarar Íslandsmeistara KA/Þórs. Mynd/Egill Bjarni Friðjónsson.
- Auglýsing -

Nýjustu fréttir

- Auglýsing -