FH-ingurinn Gytis Smantauskas sækir að Róberti Aroni Hostert. Mynd/J.L.Long

Íslandsmeistarar Vals komust í undanúrslit í Coca Cola-bikarnum í handknattleik karla í kvöld með því að leggja FH-inga með tíu marka mun, 34:24, í Origohöllinni á Hlíðarenda. Valsarar voru sjö mörkum yfir, 17:11, í hálfleik.

FH-ingar komu ákveðnir til leiks í síðari hálfleik og tókst ítrekað að minnka muninn niður í þrjú mörk, síðasta 24:21, þegar um stundarfjórðungur var til leiksloka. Úrslitin gefa því e.t.v. ekki alveg rétt af mynd af því hvernig leikurinn var lengi vel en víst að Valsmenn voru með tögl og hagldir lengst af, sérstaklega eftir afar góða byrjun.

Hér eru nokkrar myndir frá leiknum sem handbolta.is fékk sendar frá J.L.Long og er þakkað kærlega fyrir.

Jón Bjarni Ólafsson, FH-ingur, á auðum sjó gegn Björgvini Páli Gústavssyni markverði Vals. MyndJ.L.Long
Gytis Smantauskas ógnar vörn Valsmanna. Mynd/J.L.Long
Tumi Steinn Rúnarsson stöðvaður af Ásbirni Friðrikssyni og Ágústi Birgissyni. Mynd/J.Long
Róbert Aron Hostert sækir að Jóhanni Birgi Ingvarssyni. Ágúst Birgisson er við öllum búinn. Mynd/J.L.Long
Finnur Ingi Magnússon að skora eitt af níu mörkum sínum án þess að Svavar Sigmundsson fái rönd við reist. Mynd/J.L.Long
Tumi Steinn Rúnarsson freistar þess að snúa á Ágúst Birgisson. Mynd/J.L.Long
Ásbjörn Friðriksson leitar að smugu framhjá Björgvin Páli Gústavssyni. Mynd/J.L.Long
- Auglýsing -

Nýjustu fréttir

- Auglýsing -