Myndskeið: Barcelonaliðið lék við hvern sinn fingur

Barcelona varð Evrópumeistari meistaraliða, sem kallast Meistaradeild Evrópu, í tíunda sinn í gær þegar liðið vann Aalborg Håndbold í úrslitaleik í Lanxess-Arena í Köln, 36:23. Sex ár eru síðan Barcelona vann síðast Meistaradeild Evrópu. Barcelonaliðið fór á kostum í leiknum í gær og hér fyrir neðan er samantekt frá úrslitaleiknum sem Handknattleikssamband Evrópu, EHF, hefur tekið saman og birt.

Keppnistímabilin sem Barcelona hefur unnið Meistaradeild Evrópu – Evrópukeppni meistaraliða: 1990–91, 1995–96, 1996–97, 1997–98, 1998–99, 1999–2000, 2004–05, 2010–11, 2014–15, 2020–21.