- Auglýsing -

Myndskeið: Hrækti á áhorfendur eftir grannaslag á EM

Svartfellingurinn Marko Lasica sýndi af sér dapurlega framkomu í gær. Mynd/EPA

Marko Lasica landsliðsmaður Svartfellinga hefur verið sektaður um 5.000 evrur, jafnvirði nærri 750.000 króna, fyrir hrækja í átt til áhorfenda eftir að Svartfellingar unnu Norður Makedóníumenn, 28:24, á Evrópumótinu í handknattleik í gær.


Atvikið átti sér stað þegar leikmenn svartfellska landsliðsins voru að fagna sigrinum og þakka fyrir leikinn. Gerðu þá nokkrir áhorfendur frá Norður Makedóníu hróp að leikmönnum Svartfellinga. Lasica tók sig þá til og stikaði í átt til þeirra og spýtti eins og sést á myndskeiðinu neðst í þessari grein. Í framhaldinu kom til snarpra orðaskipta á milli leikmanna og áhorfenda en grunt er á því góða á milli margra þjóða fyrrverandi Júgóslavíuríkja.


Aganefnd Handknattleikssamband Evrópu kom saman í morgun og greindi frá ákvörðun sinni fyrir stundu. Hluti sektarinnar er skilorðbundinn til tveggja ára. Lasica var ekki úrskurðaður í leikbann sem kemur mörgum á óvart. Hópur fólks vill að honum verði vísað úr landsliðinu en engin ákvörðun um slíkt hefur verið tekin af stjórnendum handknattleikssambads Evrópu.

- Auglýsing -
- Auglýsing -

Nýjustu fréttir

- Auglýsing -