Myndskeið: Íslensk samvinna – í fjórða sinn í liði umferðarinnar

Ómar Ingi Magnússon t.v. heldur uppteknum hætti í þýsku 1. deildinni í handknattleik. Mynd/SC Magdeburg - Franzi Gora

Ómar Ingi Magnússon er í úrvalsliðið 8. umferðar þýsku 1. deildarinnar í handknattleik eftir stórleik sinn með SC Magdeburg á sunnudaginn þegar lið hans vann ríkjandi meistara í Þýskalandi, THW Kiel, í Kiel 29:27.


Þetta er í fjórða sinn sem Ómar Ingi er í liði umferðarinnar í þýsku 1. deildinni á þessari leiktíð, þ.e. í annarri hverri umferð til þessa. Hann hreppti einnig hnossið eftir fyrstu, fjórðu og sjöundu umferð.

Ómar Ingi, sem varð markakóngur deildarinnar á síðasta keppnistímabili, er nú í þriðja sæti yfir þá markahæstu í deildinni með 49 mörk, þar af 23 úr vítaköstum, þremur mörkum á eftir Marcel Schiller hornamanni Göppingen.


Ómar Ingi situr einnig í þriðja sæti yfir þá leikmenn deildarinnar sem átt hafa flestar stoðsendingar, alls 34. Svíarnir Jim Gottfridsson og Simon Jeppsson eru efstir með 36 stoðsendingar hvor.


Hér má sjá eitt af mörkum Magdeburg í leiknum gegn Kiel þar sem Ómar Ingi og Gísli Þorgeir Kristjánsson koma báðir við sögu.

- Auglýsing -

Nýjustu fréttir

- Auglýsing -