Myndskeið: Ómar Ingi er engum öðrum líkur

Ómar Ingi Magnússon leikmaður Magdeburg og íslenska landsliðsins. Mynd/Hafliði Breiðfjörð

Íþróttamaður ársins 2021, Ómar Ingi Magnússon, er engum öðru líkur á handboltavellinum um þessar mundir. Hann leikur svo sannarlega við hvern sinn fingur eins og sjá má á meðfylgjandi myndskeiði úr leik SC Magdeburg og Göppingen í þýsku 1. deildinni í kvöld. Þar virðist Ómar Ingi vera kominn í vonlausa stöðu en tekst á einhvern ótrúlegan hátt að senda boltann frá sér í vinstra hornið og úr verður mark hjá samherja hans.

Sé sjón einhverntímann sögu ríkari þá er það svo sannarlega í þessu myndskeiði af töframanninum frá Selfossi.

Ómar Ingi skoraði fimm mörk og átti þrjár stoðsendingar þegar Magdeburg vann Göppingen með 11 marka mun í leiknum í kvöld, 37:26. Gísli Þorgeir Kristjánsson fór einnig á kostum í leiknum. Hann skoraði fjögur mörk í fimm skotum og átti fimm stoðsendingar. Ekkert fær stöðvað Magdeburg um þessar mundir. Liðið efst í deildinni eð 38 stig eftir 20 leiki og er sex stigum á undan THW Kiel sem er í öðru sæti.


Janus Daði Smárason var því miður ekki eð Göppingen í kvöld.

Lék eins sá sem valdið hefur

Elvar Örn Jónsson lék eins og sá sem valdið hefur með Melsungen í kvöld. Hann skoraði fimm mörk í sex skotum átti fimm stoðsendingar í fjögurra marka sigri Melsungen á útivelli á neðsta liði þýsku 1. deildarinnar, GWD Minden, 26:22. Elvari Erni var einu sinni vísað af leikvelli.


Arnar Freyr Arnarsson kom lítið við sögu og Alexander Petersson var ekki í leikmannahópi Melsungen að þess sinni.

Staðan:

Standings provided by SofaScore LiveScore
- Auglýsing -

Nýjustu fréttir

- Auglýsing -