- Auglýsing -

Myndskeið: Ótrúleg markvarsla hjá þeirri sænsku

Sænski markvörðurinn Jessica Ryde. Mynd/EPA

Sænski landsliðsmarkvörðurinn Jessica Ryde varði hreint á ótrúlegan hátt undir lok leiks Frakka og Svía í átta liða úrslitum heimsmeistaramótsins í handknattleik kvenna í kvöld.

Svíar voru fjórum mörkum undir, 29:25, og höfðu kallað Ryde af leikvelli til þess að fjölga um einn leikmann í sókninni. Sænska liðið missti boltann sem barst til markvarðar Frakka, Cleopatre Darleux. Hún hikaði ekki, kastaði boltanum í áttina að sænska markinu. Allt benti til að Darleux skoraði. Ryde var á öðru máli. Hún kom á grenjandi siglingu frá hliðarlínunni og kastaði sér eins og köttur á eftir mús í átt að boltanum og tókst á ótrúlegan hátt að verja mark sitt eins og sjá má á myndskeiðinu hér fyrir neðan.

- Auglýsing -
- Auglýsing -

Nýjustu fréttir

- Auglýsing -