Myndskeið: Snilldartilþrif Viktors Gísla í Nantes

Viktor Gísli Hallgrímsson markvörður GOG. Mynd/GOG

Viktor Gísli Hallgrímsson sýndi snilldartilþrif þegar hann sótti verðandi heimavöll sinn í Nantes í Frakklandi heim í vikunni með samherjum sínum í danska liðinu GOG í Evrópudeildinni í handknattleik. Viktor Gísli gengur til liðs við Nantes fyrir næsta keppnistímabil.


Tilþrif íslenska landsliðsmarkvarðarins voru valin ein af fimm bestu markvörslum vikunnar í keppninni af Handknattleikssambandi Evrópu, EHF. Þau dugðu þó ekki til sigurs því Nantes vann með þriggja marka mun, 27:24. Stuðningsmenn Nantes fengu hinsvegar að finna smjörþefinn af því sem koma skal á næsta keppnistímabili.


Varslan hjá Viktori Gísla er önnur í röðinni á myndskeiðinu hér fyrir neðan.

- Auglýsing -

Nýjustu fréttir

- Auglýsing -