- Auglýsing -
Stutt er oft á milli hláturs og gráts í spennadi íþróttakappleikjum og það fengu Anton Rúnarsson og félagar í TV Emsdetten að reyna í kvöld er þeir mættu Elbflorenz á heimavelli.
Sex sekúndum fyrir leikslok skoraði Anton Rúnarsson 28. mark TV Emsdetten sem virtist ætla að verða sigurmark leiksins. Sú varð hinsvegar ekki raunin. Leikmenn Elflorenz voru fljótir að hugsa. Komu boltanum strax í leik og tókst að nýta sekúndurnar sem eftir voru til að jafna metin, 28:28, og hrifsa með sér annað stigið heim til Dresden.
Anton skoraði tvö mörk í leiknum og átti fimm stoðsendingar. TV Emsdetten situr í 16. sæti af 20 liðum deildarinnar með 15 stig eftir 20 leiki.
Á myndskeiðinu hér fyrir neðan má sjá mark Antons og jöfnunarmark Elflorenz.
- Auglýsing -
