- Auglýsing -
Að minnsta kosti 200 Eyjamenn eru á leiðinni í bæinn í hópferð ÍBV á þriðja úrslitaleik Vals og ÍBV um Íslandsmeistartitilinn í handknattleik karla sem hefst í Origohöllinni klukkan 19.30. Ekkert verður slegið af í kvöld.
Meðfylgjandi myndskeið fékk handbolti.is sent úr einni rútunni sem er á leiðinni í bæinn sneisafull af syngjandi og kátum Eyjamönnum. Kórstjóri er Vilmar Þór Bjarnason framkvæmdastjóri handknattleiksdeildar. Ljóst er að Eyjamenn verða búnir að hita hressilega upp raddböndin þegar leikurinn hefst í kvöld og víst er að þeir munu hvergi draga af sér, innan vallar sem utan.
Hvort lið hefur unnið einn leik en vinna þarf þrjá leiki til þess að hampa Íslandsbikarnum í handknattleik.
- Auglýsing -
