Myndskeið: Þrír Íslendingar í draumaliði Svíans

Hinn þrautreyndi sænski landsliðsmaður og leikmaður þýsku meistaranna THW Kiel, Niclas Ekberg, hefur um langt árabil verið einn allra besti og sigursælasti hægri hornamaður heims. Hann valdi á dögunum draumalið sitt og af sjö leikmönnum sem hann valdi eru þrír íslenskir handknattleiksmenn, Aron Pálmarsson, Guðjón Valur Sigurðsson og Ólafur Stefánsson.

Valið er ekki síst athyglisvert þar sem Svíar hafa í gegnum tíðina átt afar sterka, fyrirferðarmikla og sigursæla handknattleiksmenn með félagsliðum og landsliðum.

Á myndskeiðinu hér fyrir neðan rökstyður Ekberg val sitt á snarpan hátt.