- Auglýsing -

Tókst að koma í veg fyrir hraðaupphlaup Valsara

Sebastian Alexandersson, þjálfaði Fram á síðasta tímabili. Hann er þjálfari HK. Mynd/Egill Bjarni Friðjónsson.

„Frábær vörn og góð blanda af ákafa og skynsamlegri áræðni í hraðaupphlaupum og sókn lagði grunn að sigri okkar,“ sagði Sebastian Alexandersson, þjálfari karlaliðs Fram í handknattleik við handbolta.is eftir öruggan sigur Framara á Val, 26:22, í Olísdeild karla í handknattleik í Framhúsinu í gærkvöld.


Með sigrinum komst Fram-liðið upp í sjöunda sæti deildarinnar og hefur fimm stig eftir sex leiki.

Spurður hvað hefði lagt grunn að sigri Framara í leiknum svaraði Sebastian.

„Sóknin hjá okkur var góð og við leystum vel þessa góðu vörn sem Valur spilar. Það sem var enn mikilvægara var að við náðum að koma í veg fyrir hraðupphlaupin þeirra. Við náðum líka að standa af okkur fyrstu árásina í seinni bylgjunni sem þeir eru mjög góðir í,“ sagði Sebastian Alexandersson, þjálfari Fram við handbolta.is.

Næsti leikur Fram verður við Þór Akureyri í Íþróttahöllinni á Akureyri á miðvikudaginn.

Stöðuna í Olísdeild karla og upplýsingar um næstu leiki er hægt að nálgast hér.

- Auglýsing -
- Auglýsing -

Nýjustu fréttir

- Auglýsing -