- Auglýsing -

Naumt tap fyrir fyrir HM-förum

Sandra Erlingsdóttir og Hildigunnur Einarsdóttir í sókn í leiknum við Tékka í dag. Mynd/HSÍ

Tékkneska A-landsliðiðið vann íslenska A-landsliðið með tveggja marka mun, 27:25, í síðasta leiknum á fjögurra liða móti í Cheb í Tékklandi í dag. Þetta var síðasta vináttuleikur tékkneska liðsins áður en það fer til Spánar eftir helgina til þátttöku á heimsmeistaramótinu sem hefst á Spáni á miðvikudaginn.

Díana Dögg Magnúsdóttir var í stóru hlutverki hjá A-landsliðinu í dag. MyndHSÍ


Tékkar voru þremur mörkum yfir í hálfleik, 15:12. Íslenska liðið lék mjög vel fyrstu 20 mínútur síðari hálfleiks og skoraði m.a. fimm mörk í röð og sneri leiknum úr 17:14 Tékkum í dag í 19:17 Íslandi í vil. Varnarleikurinn var mjög góður og tókst að brjóta niður sóknarleik Tékka.


Tíu mínútum fyrir leikslok var Íslandi tveimur mörkum yfir, 24:22. Tékkneski markvörðurinn varði allt hvað af tók á lokakaflanum m.a. frá Þóreyju Rósu Stefánsdóttur þegar fimm sekúndur var eftir í stöðunni, 26:25. Leikmenn Tékka nýttu leiktímann til hins ítrasta, náðu frákastinu og skoruðu í autt mark íslenska liðsins sem hafði kallað Hafdísi Renötudóttur úr markinu til þess að auka við sóknarþungan á síðustu sekúndunum.

Andrea Jacobsen í sókn í leiknum í dag. Mynd/HSÍ


Besti leikmaður Íslands í leiknum var valin Díana Dögg Magnúsdóttir. Hún skoraði fjögur mörk og stóð vörnina frábærlega.

Þar með hafa bæði A- og B-landslið Íslands lokið keppni á mótinu og unnu þau hvort um sig einn leik. Norðmenn unnu bæði í keppni A og B-liða á mótinu.


Mörk Íslands: Sandra Erlingsdóttir 6/4, Andrea Jacobsen 4, Díana Dögg Magnúsdóttir 4, Þórey Rósa Stefánsdóttir 3, Ragnheiður Júlíusdóttir 2, Unnur Ómarsdóttir 2, Thea Imani Sturludóttir 1, Hildigunnur Einarsdóttir 1, Sunna Jónsdóttir 1 og Harpa Valey Gylfadóttir 1.

Hafdís Renötudóttir varði 9 skot í marki Íslands.

- Auglýsing -
- Auglýsing -

Nýjustu fréttir

- Auglýsing -