Naumt tap í Bavnehøj Arena

Elín Jóna Þorsteinsdóttir markvörður. Mynd/Ringköbing Håndbold

Elín Jóna Þorsteinsdóttir og samherjar hennar í Ringkøbing töpuðu naumlega fyrri Ajax, 24:23, í annarri umferð í umspili liðanna í neðri hluta dönsku úrvalsdeildarinnar í handknattleik í dag. Leikið var Bavnehøj Arena, heimavelli Ajax í Kaupmannahöfn.


Elín Jóna var í marki Ringkøbing frá upphafi til enda leiksins ef undan er skilið eitt vítakast. Elín Jóna varði 10 skot, 30,3%.


Ringkøbing var tveimur mörkum yfir að loknum fyrri hálfleik, 14:12. Leikmenn Ajax jöfnuðu metin, 14:14, á upphafsmínútum síðari hálfleiks. Eftir það var leikurinn í járnum en því miður var gæfan ekki með Ringkøbing-liðinu á síðustu mínútunum.


Ringkøbing hefur tvö stig eftir tvo leiki. Enn eru nokkrir leikir eftir á milli liðanna fimm sem keppast við að forðast fall. Holstebro féll úr úrvalsdeildinni að lokinni keppni í úrvalsdeildinni á dögunum.

- Auglýsing -

Nýjustu fréttir

- Auglýsing -