Naumt tap í Malmö – Ólafur fékk högg á lærið

Ólafur Andrés Guðmundsson, fyrirliði IFK Kristianstad. Mynd/IFK Kristianstad - Mentor Selaci Fotograf, Studio11

Íslendingaliðið IFK Kristianstad tapaði í kvöld fyrir HK Malmö í þriðju viðureign liðanna í átta liða úrslitum sænsku úrvalsdeildarinnar í handknattleik karla í Baltiska Hallen í Malmö, 29:27. Malmö er þar með komið með einn vinning í rimmu liðanna en Kristianstad hefur tvo vinninga. Leikmenn Malmö voru komnir með bakið upp að gamla góða veggnum þegar viðureignin hófst í kvöld.


Teitur Örn Einarsson spilaði aðeins seinni hálfleikinn og skoraði eitt mark í hægra horninu þar sem hann er eini ,,leikfæri” örvhenti leikmaður Kristianstad þessa stundina.


Ólafur Andrés Guðmundsson, fyrirliði, sat allan leikinn á varamannabekknum. Hann fékk högg á lærið á æfingu í gær og þjálfarinn vildi ekki tefla á tvær hættur með hann vegna mikilvægra leikja við Ademar León í 16-liða úrslitum Evrópudeildarinnar eftir helgi.


Staðan var jöfn í hálfleik, 12:12.


Fjórða viðureign liðanna fer fram í Kristianstad á laugardaginn eftir viku.

- Auglýsing -

Nýjustu fréttir

- Auglýsing -