Elliði Snær Viðarsson leikmaður Gummersbach. Mynd/Nastasja Kleinjung / VfL Gummersbach

Lærisveinar Guðjóns Vals Sigurðssonar í Gummersbach unnu nauman sigur í háspennuleik í kvöld er þeir sóttu TV Emsdetten heim í þýsku 2.deildinni í handknattleik. Janko Bozovic skoraði sigurmarkið, 23:22, skömmu fyrir leikslok. Mikill hamagangur var á lokamínútunum en hvorugu liðinu tókst að bæta við marki eftir að Bozovic skoraði 23. markið Gummersbach.


Hákon Daði Styrmisson skoraði sjö mörk í níu skotum og var markahæstur hjá Gummersbach sem situr eitt í efsta sæti deildarinnar með 12 stig eftir sex leiki. Eintracht Hagen er í öðru sæti með 10 stig. Elliði Snær Viðarsson skoraði eitt mark fyrir Gummersbach.


Anton Rúnarsson skoraði eitt mark fyrir TV Emsdetten sem situr í 11. sæti af 20 liðum með fimm stig.

- Auglýsing -

Nýjustu fréttir

- Auglýsing -